Krishnashtakam

Krishnashtakam

जगज्जालपालं चलत्कण्ठमालं
शरच्चन्द्रभालं महादैत्यकालं 
नभोनीलकायं दुरावारमायं 
सुपद्मासहायम् भजेऽहं भजेऽहं ||
jagajjAlapAlam chalatkaNThamAlam
sharacchandrabhAlam mahAdaityakAlam
nabhonIlakAyam durAvAramAyam
supadmAsahAyam bhajeham bhajeham (1)

सदाम्भोधिवासं गलत्पुष्पहासं 
जगत्सन्निवासं शतादित्यभासं 
गदाचक्रशस्त्रं लसत्पीतवस्त्रं 
हसच्चारुवक्त्रं  भजेऽहं भजेऽहं ||
sadAmbhodhivAsam galatpushpahAsam
jagatsannivAsam shatAdityabhAsam
gadAchakrashastram lasatpItavastram
hasacchAruvaktram bhajeham bhajeham (2)

रमाकण्ठहारं श्रुतिव्रातसारं 
जलान्तर्विहारं धराभारहारं 
चिदानन्दरूपं मनोज्ञस्वरूपं 
ध्रुतानेकरूपं  भजेऽहं भजेऽहं ||
ramAkaNThahAram shrutivrAtasAram
jalAntarvihAram dharAbhArahAram
chidAnandarUpam manogyasvarUpam
dhrutAnekarUpam bhajeham bhajeham (3)

जराजन्महीनं परानन्दपीनं 
समाधानलीनं सदैवानवीनं 
जगज्जन्महेतुं सुरानीककेतुं 
त्रिलोकैकसेतुं भजेऽहं भजेऽहं ||
jarAjanmahInam parAnandapInam
samAdhAnalInam sadaivAnavInam
jagajjanmahetum surAnIkaketum
trilokaikasetum bhajeham bhajeham (4)

कृताम्नायगानं खगाधीशयानं 
विमुक्तेर्निदानं हरारातिमानं 
स्वभक्तानुकूलं जगद्व्रुक्षमूलं 
निरस्तार्तशूलं भजेऽहं भजेऽहं ||
krutAmnAyagAnam khagAdhIshayAnam
vimukternidAnam harArAtimAnam
svabhaktAnukUlam jagadvrukshamUlam
nirastArtashUlam bhajeham bhajeham (5)

समस्तामरेशं द्विरेफाभकेशं
जगद्विम्बलेशं ह्रुदाकाशदेशं 
सदा दिव्यदेहं विमुक्ताखिलेहं 
सुवैकुण्ठगेहं भजेऽहं भजेऽहं ||
samastAmaresham dvirephAbhakesham
jagadvimbalesham hrudAkAshadesham
sadA divyadeham vimuktAkhileham
suvaikuNThageham bhajeham bhajeham (6)

सुरालिबलिष्ठं त्रिलोकीवरिष्ठं
गुरूणां गरिष्ठं स्वरूपैकनिष्ठं
सदा युद्धधीरं महावीरवीरं 
महाम्भोधितीरं भजेऽहं भजेऽहं ||
surAlibaliShTham trilokIvariShTham
gurUNAm gariShTham svarUpaikaniShTham
sadA yuddhadhIram mahAvIravIram
mahAmbhodhitIram bhajeham bhajeham (7)

रमावामभागं तलानग्रनागं 
कृताधीनयागं गतारागरागं 
मुनीन्द्रैः सुगीतं सुरैः संपरीतं
गुणौधैरतीतं भजेऽहं भजेऽहं ||
ramAvAmabhAgam talAnagranAgam
krutAdhInayAgam gatArAgarAgam
munIndraih sugItam suraih samparItam
guNaudhairatItam bhajeham bhajeham (8)

फलश्रुति
इदं यस्तु नित्यं समाधाय चित्तं 
पठेदष्टकं कण्ठहारम् मुरारे:
स विष्णोर्विशोकं ध्रुवं याति लोकं
जराजन्मशोकं पुनर्विन्दते नो||
Phalasruti
idam yastu nityam samAdhAya chittam
paThedashtakam kaNThahAram murAreh
sa viShNorvishokam dhruvam yAti lokam
jarAjanmashokam punarvindate no

 ===========================